စိတ်ထားပြောင်းကြဘို့လိုပြီ

၃၈ဖြာမင်္ဂလာထဲက လူမိုက်ကိုမပေါင်းဖော်ရ ၊ပညာရှိကိုဆည်းကပ်ရမည်ဆိုတဲ့ ပထမဆုံးအပိုဒ်ကိုပြောကြားသွားမှာပါ၊လူမိုက်ဆိုတာက၊မကောင်းမှု ဒုစရိုက်(၁၀)ပါးပဲဖြစ်ပါတယ်၊၁။ ကိုယ်ဖြင့်ပြုလုပ်သောစရိုက်ဆိုး(၃)ပါး၊၂။နှုတ်ဖြင့်ပြုလုပ်သောစရိုက်ဆိုး(၄)ပါး၊၃။စိတ်ဖြင့်ပြုလုပ်သောစရိုက်ဆိုး(၃)ပါးပါ ချဲ့ပြရရင် ၁။ကိုယ်ဖြင့်ပြုလုပ်တဲ့စရိုက်ဆိုး(၃)ပါးကတော့(က)သူတပါးအသက်ကိုသတ်ခြင်း၊(ခ)သူတပါးဥစ္စာကို ခိုးယူခြင်း၊(ဂ)ကာမမှုဖောက်ပြန်ခြင်းတို့ဖြစ်သည်။၂။နှုပ်ဖြင့်ပြုလုပ်သောစရိုက်ဆိုး(၄)ပါးကတော့(က)မဟုတ်မမှန်လိမ်ညာပြောဆိုခြင်း၊(ခ)ခင်မင်နေသူအချင်းချင်းစိတ်ဝမ်းကွဲအောင်ကုန်းတိုက်စကားပြောဆိုခြင်း၊(ဂ)မိမိကော သူတပါးပါ အကျိုးမရှိသောစကားကိုပြောဆိုခြင်း၊(ဃ)ကြမ်းတမ်းသောစကားကိုပြောဆိုခြင်းတို့ဖြစ်သည်။၃။စိတ်ဖြင့်ပြုလုပ်သောစရိုက်ဆိုး(၃)ပါး၊(က)သူတပါး၏ပစ္စည်းကိုမိမိရယူနိုင်ရန်မတရားသောနည်း လမ်းဖြင့်ကြံစီခြင်း၊(ခ)သူတပါး၏ပစ္စည်းကိုဖျက်ဆီးရန်ကြံစည်ခြင်း၊(ဂ)အယူအမြင်မှားယွင်းခြင်းတို့ဖြစ်သည်။ အထက်မှဖော်ပြခဲ့သော စရိုက်ဆိုးတွေကိုမပြုလုပ်ဘဲရှောင်ကြည်နေသူကို စရိုက်ကောင်းရှိသူ၊စာရိတ္တကောင်းသူ ပညာရှိသူဟု ဗုဒ္ဓဒေသနာ၌ဟောပြောထားပါတယ်၊၃၈ဖြာမင်္ဂလာမှာက၊ပထမဆုံးဖော်ပြတဲ့စရိုက်ဆိုးကျင့်သူကိုရှောင်ကြဉ်ဘို့နဲ့၊ပညာရှိသူကိုသာပေါင်းဖော်ဘို့ဟောကြားထားတာရှိပါတယ်၊အဲဒီလိုပြုလုပ်ကြမှသာလူသားတွေဟာ၊ကြီးပွားချမ်းသာနိုင်မှာဖြစ်ပါတယ်၊လူရယ်လို့ဖြစ်လာရင်၊အဓိကကျသောလိုအင်များမလွဲမသွေဖြစ်ပေါ်လာရပါတယ်၊အရေးလေးပါးလို့လည်းခေါ်ပါတယ်၊အဲဒါတွေကတော့(၁)စားရေး၊(၂)ဝတ်ရေး၊(၃)နေထိုင်ရေး၊(၄)စိတ်ဖြေရေးတို့ပဲဖြစ်ပါတယ်၊သမိုင်းစဉ်ဆက်လူသားတွေဟာဒီအရေး(၄)ပါးပြည့်ဝရေးအတွက် လှုပ်ရှားခဲ့ကြတယ်၊ရုန်းကန်ခဲ့ကြတယ်၊နည်းအမျိုးမျိုးနဲ့လှုပ်ရှားနေကြရမှာသာဖြစ်တယ်၊လိုအင်ပြည့်ဝရေးအတွက်၊စည်းပွားဥစ္စာများတို့ကိုရှာဖွေကြရတယ်၊စီးပွားပြည့်ဝမှဒီအရေးလေးပါးကိုလွယ်ကူစွာဖြေရှင်းနိုင်မှာဖြစ်တယ်။ ဗုဒ္ဓကလဲလူမှုဖူလုံရေး၊စီးပွားရေးဖြစ်ထွန်းရေးအတွက်ဒေသနာတော်များဟောကြားထားတာတွေရှိပါတယ်၊ဗုဒ္ဓဘုရားရှင်ဟာ၊ပက္က ရ ပတ္တအမည်ရှိတဲ့နိဂုံးမှာသီတင်းသုံးနေစဉ်၊ဗျဂ္ဃဝ ပဇ္ဇခေါ်တဲ့၊ဒါယကာတယောက်ကလူဘဝဖူးလုံရေးအတွက်စီးပွားဖြစ်ကြောင်းတရားတို့ကိုမေးလျှောက်ခဲ့ပါတယ်၊ဘုရားရှင်က လောကချမ်းသာကြောင်းကို သမ္ပဒါတရားလေးပါးဟောပြတော်မူခဲ့ပါတယ်၊၁။ဥဋ္ဌာနသမ္ပဒါ၊မပျင်းမရိ ထကြွလုံးလ ဝိရိယရှိမှုနှင့်ပြည့်စုံခြင်း၊၂။အာရက္ခသမ္ပဒါ။ရရှိလာသည့် ပစ္စည်းဥစ္စာတို့ကိုလိမ္မာကျွမ်းကျင်စွာ စောင့်ရှောက်ထိန်းသိမ်းတတ်မှုနှင့်ပြည့်စုံခြင်း၊၃။ကလျှာဏမိတ္တသမ္ပဒါ။မှီခိုကိုးစားအားထားလောက်သည့်မိတ်ဆွေကောင်းရှိမှုနှင့်ပြည့်စုံခြင်း၊၄။သမဇီဝိတသမ္ပဒါ။စနစ်တကျမျှတစွာအသက်မွေးသုံးစွဲနေထိုင်တတ်မှုနှင့်ပြည့်စုံခြင်းတို့ဖြစ်ပါတယ်။ အဲဒါအပြင်၊ကြီးပွားချမ်းသားခြင်း၊အောင်မြင်ကျော်ကြားခြင်းစတဲ့၊အကျိုးကောင်းများရရှိရေးအတွက် သပ္ပတ္တိစက်ခေါ်တဲ့၊စက်လေးပါးနှင့်ပြည့်စုံဘို့လဲလိုအပ်ပါတယ်၊၁။ပဋိရှုပ ဒေသဝါသ။စီးပွားရေး၊ဘာသာရေးစသည့်အောင်မြင်တိုးတက်နိုင်သည်အရပ်၌နေထိုင်ခြင်း။၂။သပ္ပူရိသူပနိဿယ။သူတော်ကောင်းများနှင့်ပညာရှိမိတ်ဆွေကောင်း၊အပေါင်းအသင်းများရှိခြင်း။၃။အတ္တသမ္မာပဏိစိ။မိမိကိုယ်ကိုလူတော်လူကောင်းဖြစ်အောင်ပြုပြင်ပေးရခြင်း။၎။ပုဗ္ဗစ ကတပုညတာ။ရှေ့ပိုင်းကာလ၊ရှေးဘဝကဖြည့်ကျင့်ဆည်းပူးခဲ့သောကောင်းသောလုပ်ဆောင်မှုရှိခြင်း။လောကီ၊လောကုတ္တရာဘက်စုံဖွင့်ဖြိုးတိုးတက်ရေးကိုရယူလိုသော ပုဂ္ဂိုလ်သည်အထက်ပါဒေသနာတော်အတိုင်းလိုက်နာကျင့်သုံးရမှာဖြစ်ပါတယ်။လက်ငင်းဘဝအတွက်၊ဧကန်ကြီးပွားနိုင်သော လက်တွေ့ကျသောတရားဓမ္မများပဲဖြစ်ပါတယ်။ "ဥုံဖွမန်းလျှင်အရမ်းကြီးပွားမည်"ဟူသော မန္တရဒေသနာ၊စိတ်ကူးယဉ်ဂါထာမျိုးမဟုတ်ပါ၊"တကယ်လုပ်မှအဟုတ်ကြီးပွားမည်"ဟူသောလက်တွေ့ဒေသနာဆောင်ပုဒ်များပဲဖြစ်ပါတယ်၊လူတို့သည် သမ္ပဒါတရား(၄)ပါးနှင့်အညီကြိုးစား၊အားထုတ်သဖြင့်သာ ဘဝနှင့်ဘဝစည်းစိမ်များကိုရရှိနိုင်ကြပါမည်၊ထိုမှန်ကန်သောလုပ်ရပ်ဖြင့်ရရှိခဲ့သောဘဝအခြေနေကို မပျက်မယွင်းအောင်ထိမ်းသိမ်းတတ်ဖို့လဲလိုပါတယ်၊အကယ်၍ မိမိအနေအထိုင်မတတ်ခဲ့လျှင်သော်၎င်း၊မတရားသဖြင့်ရရှိလာသောပစ္စည်းဥစ္စာများဖြစ်နေလျှင်သော၎င်း၊ဘဝစည်းစိမ်များပျက်ယွင်းသွားစေတတ်ပါတယ်။ ဆုပ်ယုတ်ကြောင်းတရားများကိုလဲဤသို့ဖော်ပြထားပါတယ်၊၁။သေရည်အရက်နှင့်မူးယစ်ပစ္စည်းများကိုသုံးစွဲလေ့ရှိခြင်း။၂။အချိန်အခါမဲ့ခရီးသွားလာလေ့ရှိခြင်း။၃။ပျော်ပွဲသဘင်တို့၌၊သွားလာကြည့်ရှုလေ့ရှိခြင်း။၎။လောင်းကစားစသည်တို့၌ဝါသနာထုံခြင်း။၅။မကောင်းသောအဆွေ၊ခင်ပွန်းတို့နှင့်ပေါင်းသင်ခြင်း။၆။ပျင်းရိလေ့ရှိခြင်းဆိုပြီး ဗုဒ္ဓစာပေမှာ၊သိင်္ဂါလောဝါဒသုတ်သည်၊လူမှုဒုက္ခဖြေရှင်းရေး၊လူတန်းစားအချင်းချင်းပြေလည်စွာဆက်ဆံရေး၊စသောလူမှုရေးအထာ၊စည်းမျဉ်းအဖြာဖြာတို့ပဲဖြစ်ပါတယ်၊အရေး(၄)ပါးအတွက်လက်တွေ့ရရှိနိုင်သောဓမ္မဒေသနာများဖြစ်ပါတယ်။တိုအကျဉ်းနဲ့လိုရင်းကိုပြောပြထားသောဒေသနာ တပုဒ်ရှိပါတယ်၊အဲဒါကတော့၊၁။မကောင်းမှုကိုမပြုရ။၂။ကောင်းမှုကိုပြုရမည်။၃။စိတ်ကိုဖြူစင်စေရမည်ဟူ၍ဖြစ်ပါတယ်။ဒီသုံးချက်ဟာ၊ဗုဒ္ဓဘုရားရှင်၏ဓမ္မဒေသနာအနှစ်ချုပ်ပဲဖြစ်ပါတယ်။ ထိုသုံးပါးပြုလုပ်နိုင်ရန်၊လူမိုက်ကိုမပေါင်းဘဲပညာရှိကိုပေါင်းမှသာ၊ဖော်ပြပါအမှန်တရားတွေကိုသိရှိလိုက်နာနိုင်ကြမှာပါ၊လူမိုက်ရှောင်ပြီး၊ပညာရှိကိုပေါင်းဖက်ခြင်းအားဖြင့်မရှိစွဲ၊အတွေးစွဲ၊စိတ်ကူးယဉ်စွဲများလဲပြုတ်နိုင်မှာပါ၊လူကိုမှီပြီး၊စွဲပြီးဖြစ်နေတဲ့၊ရုပ်၊ဝေဒနာ၊သညာ၊သင်္ခါရ၊ဝိဉာဏတရားများနဲ့၊သဘာဝကာယကြီးကိုအမှန်တကယ်သဘောပေါက်နားလည်မှုမရှိရင်၊မိစ္ဆာဒိဋ္ဌိပဲဖြစ်နေမှာပါ၊လူမှာ၊အစွဲနဲ့တကွဖြစ်လာတဲ့၊ခန္ဓာငါးပါးဟာလူမဟုတ်ပါဘူး၊လူပေါ်မှာမှီဖြစ်၊စွဲဖြစ်တတ်တဲ့၊တရားများဖြစ်ပါတယ်လူဆိုတာက၊ပထဝီ၊အာပေါ၊တေဇော၊ဝါယောဆိုတဲ့၊ဓါတ်လေးပါးနဲ့တည်ဆောက်ထားတဲ့၊ရုပ်သဘာဝပဲဖြစ်တယ်၊မိဖနှစ်ပါးကြောင့်ဖြစ်လာရတာပါ၊အစာ၊ရေ၊လေကြောင့်ရပ်တည်နေရတာပါ၊သွေး၊သည်းခြေ၊လေသလိပ်ဖောက်ပြန်ရင်ပျက်စီးသွားမှာပါ၊အသက်ရှိစဉ်မသေခင်မှာ၊ဖြစ်ပေါ်နေရတဲ့နာမ်တရားဟာ၊အတွင်းရုပ်၊အပြင်ရုပ်နှစ်ခုတိုက်ဆိုင်မိမှ မြင်စိတ်၊ကြားစိတ်၊နံစိတ်၊လျှက်စိတ်၊ထိစိတ်စတဲ့နာမ်တရားတွေဖြစ်ပေါ်လာကြရတာပါ၊ရုပ်နှစ်ခုတိုက်မှနံတရားဖြစ်ပေါ်လာရတာပါ၊ "ရှုပံဖဋိစ္ဓ၊နာမံပဝတ္တိ"ရုပ်ကိုမှီပြီးမှနာမ်တရားဟာဖြစ်ပေါ်လာရတာပါ၊အဲဒီလို၊ရုပ်ဖြစ်ကြောင်းနာမ်ဖြစ်ကြောင်းတွေကိုသေချာသိရှိအောင်၊ ဟောပြောနိုင်တာက၊ပညာရှိတွေသာဟောပြောနိုင်ပါတယ်။အဲဒီလို၊ရုပ်ရဲ့အဓိကဖြစ်ကြောင်းနဲ့နာမ်ရဲ့အစ၊စဖြစ်ကြောင်းတွေကို၊သေခြာ၊ရေရာအောင်သိရှိမှသာ၊မိစ္ဆာဒိဌိပြုတ်ပြီး၊သမ္မာဒိဋ္ဌိဖြစ်နိုင်ပါတယ်။ လူမှာမိစ္ဆာဒိဋ္ဌိကြီးရှိနေရင်၊ကျင့်ကြံပြုလုပ်သမျှတွေဟာ၊မှန်ကန်တယ်ဆိုသော်လည်းရည်ရွယ်ချက်မမှန်ပဲ၊အတိတ်၊အနာဂတ်တွေအတွက်အမျှော်တွေ အကြောက်တွေမကင်းနိုင်ဘဲ၊ပစ္စက္ခအတွက်အကျိုးမဖြစ်ထွန်းနိုင်ပါဘူး၊ကောင်းမှုဆောင်၊မကောင်းမှုရှောင်နေသော်လည်းရည်ရွယ်ချက်မမှန်ကန်ဘဲ၊မိစ္ဆာဒိဋ္ဌိကြီးတန်းလန်းနဲ့ပြုလုပ်နေရင်၊စိတ်ထားလဲမဖြူစင်နိုင်တော့ပဲညစ်နွမ်းနေမှာပဲဖြစ်ပါတယ်၊မကောင်းမှုရှောင်၊ကောင်းမှုဆောင်နေရင်စိတ်ဓါတ်လဲဖြူစင်ဘို့ မိစ္ဆာဒိဋ္ဌိမရှိဘို့အရေးကြီးပါတယ်၊အမျှော်လောဘ၊အကြောက်ဒေါသ၊ကြောင်းကျိုးအမှန်အသိဉာဏ်မရှိတဲ့မောဟတရားတွေနဲ့လုပ်နေရင် လုပ်သမျှဟာဒုက္ခသံသရာထဲမှာသာလည်ပတ်နေတော့မှာပါ။ အဲဒါကြောင့်လူမိုက်ဖြစ်စေတဲ့၊စိတ်ဓါတ်တွေနဲ့မပေါင်းမိစေဘဲ၊လူလိမ္မာပညာရှိဖြစ်ပေါ်စေနိုင်တဲ့၊စိတ်ဓါတ်တွေရှိလာဘို့ကအရေးတကြီးလိုအပ်ပါတယ်၊ လူမိုက်နဲ့လူလိမ္မာကိုအပြင်မှာကြည့်ရုံပေါင်းရုံနဲ့မပြည့်စုံပါဘူး၊ကိုယ်ကိုတိုင်အတွင်းစိတ်ဓါတ်လဲပြုပြင်ပြီး၊ကိုယ်ကိုတိုင်၊လူမိုက်မဖြစ်ဖို့၊လူလိမ္မာပညာရှိဖြစ်ဖို့ကိုရည်ရွယ်ပြီး၊လူမိုက်ဖြစ်စေနိုင်တဲ့ဒေါသတရားတွေမထားရှိဘဲ၊လူလိမ္မာပညာရှိဖြစ်နိုင်တဲ့မေတ္တာတရားတွေထားရှိပြုပြင်ကြရမှာပါ၊လူတိုင်ဟာကိုယ်ကိုယ်တိုင်ပညာရှိဖြစ်အောင်နဲ့လူမိုက်မဖြစ်စေဘို့၊ပြုပြင်ကြမှသာ လောကကြီးဟာ သာယာဝပြောတဲ့လောကသစ်ကြီးကိုတည်ဆောက်နိုင်မှာဖြစ်ကြောင်းပါခင်ဗျာ၊ဒါကြောင့် စိတ်ထားပြောင်းကြပါလို့ တိုက်တွန်းလိုက်ပါတယ်။ စာပေသစ္စာဖြင့်ဟင်္သာ(တောင်တွင်းကြီး)